រាជធានីភ្នំពេញ៖ នារសៀលថ្ងៃពុធ ៧កើត ខែផល្គុន ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី០៥ ខែមីនា ឆ្នាំ២០២៥ នៅទីស្តីការក្រសួងសុខាភិបាល ដោយទទួលបានការអនុញ្ញាតដ៏ខ្ពង់ខ្ពស់ពី ឯកឧត្តមសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល លោកជំទាវវេជ្ជបណ្ឌិត យក់ សម្បត្តិ រដ្ឋលេខាធិការ និងជានាយកគម្រោងសាងសង់មន្ទីរពេទ្យសាកលវិទ្យាល័យវិទ្យាសាស្ត្រសុខាភិបាល បានដឹកនាំកិច្ចប្រជុំជាមួយប្រតិភូកូរ៉េ ដែលអញ្ជើញមកពីសាកលវិទ្យាល័យ Inje នៃសាធារណរដ្ឋកូរ៉េ ដើម្បីពិនិត្យមើលទៅលើឯកសារពាក់ព័ន្ធមួយចំនួនរបស់គម្រោង ដែលជាឥណទានកម្ចីសម្បទានពីសាធារណរដ្ឋកូរ៉េ។
គោលបំណងនៃកិច្ចប្រជុំផ្តោតទៅលើ៖
- ពិនិត្យ និងដំណើរទៅលើការបន្តកិច្ចសន្យារបស់ទីប្រឹក្សា Inje
- ពិនិត្យ និងផ្តល់យោបល់ទៅលើឯកសារ ME/HIS
- ការពិភាក្សាទៅលើការកម្មវិធីអនុវត្តបណ្តុះបណ្តាល (In-country/Invitational)
កិច្ចប្រជុំនេះ មានការអញ្ជើញចូលរួមពី ឯកឧត្តមវេជ្ជបណ្ឌិត ស៊ុង វិនតៈ រដ្ឋលេខាធិការក្រសួងសុខាភិបាល ឯកឧត្តម ជិន វិសាល អគ្គនាយករដ្ឋបាល និងហិរញ្ញវត្ថុ ឯកឧត្តមសាស្ត្រាចារ្យ សាផុន វឌ្ឍនៈ សាកលវិទ្យាធិការ នៃស.វ.ស លោកសាស្ត្រាចារ្យជំនួយ ម៉ម សុវត្ថា សាកលវិទ្យាធិការរង នៃស.វ.ស ទីប្រឹក្សានៃសាកលវិទ្យាល័យ Inje និងក្រុមការងារពាក់ព័ន្ធទាំងអស់។
