កំពង់ចាម៖ រដ្ឋបាលខេត្តកំពង់ចាម សហការជាមួយ មន្ទីរសុខាភិបាលនៃរដ្ឋបាលខេត្តកំពង់ចាម បានរៀបចំពិធីអបអរសាទរ និងដង្ហែពានជយ័លាភី មន្ទីរពេទ្យបង្អែកខេត្តកំពង់ចាម អង្គភាពសុខាភិបាល ផ្តល់សេវាសំណុំសកម្មភាពបង្គ្រប់កម្រិត៣ (CPA3) ទទួលបានជយ័លាភីចំណាត់ថ្នាក់ លេខ១ ទូទាំងប្រទេសប្រចាំឆ្នាំ២០២៤ ក្រោមវត្តមាន ឯកឧត្តម ខ្លូត ផន ប្រធានក្រុមប្រឹក្សាខេត្តកំពង់ចាម និងឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម នាថ្ងៃទី២២ ខែមីនា ឆ្នាំ ២០២៥។
ពិធីនេះក៏មានការអញ្ជើញចូលរួមពី ថ្នាក់ដឹកនាំ និងមន្ត្រីរាជការនៃរដ្ឋបាលខេត្តរដ្ឋបាលក្រុង ស្រុក មន្ទីរអង្គភាពជុំវិញ ខេត្ត ថ្នាក់ដឹកនាំ និងមន្ត្រីរាជការនៃមន្ទីរសុខាភិបាលខេត្ត មន្ទីរពេទ្យបង្អែកខេត្តសិស្ស និសិ្សត យ៉ាងច្រើនកុះករ ប្រកបដោយក្តីរំភើប សប្បាយរីករាយ ។
