ឯកឧត្តមសាស្ត្រាចារ្យ ឈាង រ៉ា រដ្ឋមន្ត្រីសុខាភិបាល និងគណៈប្រតិភូអមដំណើរ បានទទួលការអញ្ជើញជួបប្រជុំជាមួយ Dr Stephen WONG នាយកប្រតិបត្តិគោលនយោបាយ នៃក្រុងហុងកុង (Head, Chief Executive’s Policy Unit, CPU) ដែលទទួលភារកិច្ចរៀបចំកិច្ចការស្រាវជ្រាវ និងគោលនបាយរបស់ក្រុងហុងកុង។
ឯកឧត្តមសាស្ត្រាចារ្យរដ្ឋមន្ត្រី បានជំរាបជូនពីគោលនយោបាយសុខាភិបាលកម្ពុជា ពិសេសការការពារសុខភាពបឋម នៅក្នុងសហគមន៍ តាមរយះការផ្តល់សេវាទូលាយនៅមណ្ឌលសុខភាព ដែលនេះកំពុងជាអាទិភាពលើផ្នែកនៃការកែទម្រង់គោលនយោបាយសុខាភិបាលក្រុងហុងកុង តាមរយះការពង្រឹង និងពង្រីកសេវាសុខភាពបឋមនៅមណ្ឌលសុខភាពស្រុករបស់ហុងកុង (District Health Centers) ដើម្បីឆ្លើយតបបានចំពោះការកើនឡើងជង្ហុគនៃជំងឺមិនឆ្លង ដូចជាជំងឺទឹកនោមផ្អែម លើសសំពាធឈាម ជំងឺសសៃឈាមបេះដូង ជាដើម។ ភាគីទាំងពីរបានពិភាក្សាសុីជំរៅលើប្រធានបទដឹកនាំ និងគ្រប់គ្រងលើសេវាសុខាភិបាលទាំងផ្នែកសាធារណៈ និងឯកជន។
ទីក្រុងហុងកុង៖ នាព្រឹកថ្ងៃទី២៦ ខែមីនា ឆ្នាំ២០២៥
