រាជធានីភ្នំពេញ ថ្ងៃទី៤ ខែមិថុនា ឆ្នាំ២០២៥៖ ដោយទទួលបានការអនុញ្ញាតពី ឯកឧត្តមសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល ឯកឧត្តម វេជ្ជបណ្ឌិត ឡូ វាសនាគីរី រដ្ឋលេខាធិការក្រសួងសុខាភិបាល និងជាសមាជិក គ.អ.គ.អ.ច.ក. បានអញ្ជើញចូលរួមក្នុងកិច្ចប្រជុំ គ.អ.គ.អ.ច.ក. ដែលដឹកនាំដោយ ឯកឧត្តម ប៊ិន ត្រឈៃ រដ្ឋមន្ត្រីក្រសួងផែនការ និងជាប្រធាន គ.អ.គ.អ.ច.ក. នៅទីស្តីការក្រសួងផែនការ។
កិច្ចប្រជុំនេះមានគោលបំណងពិនិត្យ និងពិភាក្សាលើលទ្ធផលបឋមនៃការវិភាគរបស់អង្គការសហប្រជាជាតិប្រចាំកម្ពុជាស្តីពីវឌ្ឍនភាពនៃការអនុវត្តគោលដៅអភិវឌ្ឍប្រកបដោយចីរភាពកម្ពុជា។ សូមគូសបញ្ជាក់ផងដែរថាកិច្ចប្រជុំខាងលើនេះមានការអញ្ជើញចូលរួមពីសំណាក់ពីឯកឧត្តម លោកជំទាវ លោក លោកស្រី ដែលជាសមាជិក សមាជិកា នៃ គ.អ.គ.អ.ច.ក. និងក្រុមការងាររបស់អង្គការសហប្រជាជាតិប្រចាំកម្ពុជា។
