រាជធានីភ្នំពេញ៖ នាព្រឹកថ្ងៃព្រហស្បតិ៍ ១០កើត ខែភទ្របទ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១២ ខែកញ្ញា ឆ្នាំ២០២៤ ដោយមានការអនុញ្ញាតដ៏ខ្ពង់ខ្ពស់ពី ឯកឧត្តមសាស្រ្តាចារ្យ ឈាង រ៉ា រដ្ឋមន្ត្រីក្រសួងសុខាភិបាល លោកជំទាវវេជ្ជបណ្ឌិត យក់ សម្បត្តិ រដ្ឋលេខាធិការក្រសួងសុខាភិបាល បានទទួលជួបជាមួយប្រតិភូនៃស្ថាប័នហិរញ្ញប្បទានសកល (Global Financing Facility-GFF) ដែលដឹកនាំដោយ លោក Patrick Hoang-Vu Eozenou, Senior Economist and outgoing GFF Focal Point for Cambodia ។ 

កិច្ចចាប់ផ្តើម លោកជំទាវរដ្ឋលេខាធិការ បានស្វាគមន៍ និងថ្លែងអំណរគុណដល់ ស្ថាប័នហិរញ្ញប្បទានសកល (GFF) ចំពោះកិច្ចសហការជិតស្និទ្ធជាមួយក្រសួងសុខាភិបាល ចូលរួមគាំទ្រក្នុងការលើកកម្ពស់សុខភាពស្រ្តី និងកុមារ។

លោកប្រធានប្រតិភូនៃស្ថាប័នហិរញ្ញប្បទានសកល (GFF) បានជម្រាបជូនអំពី កិច្ចសហប្រតិបត្តិការកន្លងមក ជាពិសេសនៅក្នុងគម្រោងលើកកម្ពស់គុណភាព និងសមធម៌សុខាភិបាល ដំណាក់កាលទី២ និងគម្រោងអាហារូបត្ថម្ភនៅកម្ពុជា។​  លោក​ក៏បាន​ណែនាំ​ ជូន​លោក​ជំទាវ​ នូវ​តំណាង​ GFF ថ្មី​ សំរាប់​កម្ពុជា​ គឺ​ លោកស្រី​ TOMO ដែល​ត្រូវ​មកជំនួស​ការ​ងារ​ ហេីយ​លោក​ត្រូវ​ទៅ​ទទួល​ការងារ​ថ្មី​ នៅ​ធនាគារ​ពិភពលោក​ វិញ​ ។ 

លោកជំទាវរដ្ឋលេខាធិការ បានថ្លែងអំណរគុណ GFF​ ដែលបានចូលរួមចំណែកក្នុងការលើកកម្ពស់  សុខភាពស្រ្តី និងកុមារក្នុង​គម្រោងអាហារូបត្ថម្ភនៅកម្ពុជា​ CNP និង​គម្រោង​ HEQIP II ទទួល​បានលទ្ធផល​ ល្អ​ ។